اجتذب الممثل المصري محمد ممدوح اهتمام الجمهور بعد ظهوره المفاجئ بنظارات شمسية على مدار حلقة برنامج “أسرار النجوم” مع الإعلامية إنجي علي. وقد أصر ممدوح على عدم نزعها طوال الحلقة، وشرح سبب ذلك بمعاناته من حساسية في عينيه. وقال في حديثه “أنا آسف لإني لابس النضارة، عندي حساسية في عنيا والإضاءة تعباني، وعيني وارمة وشكلها مش حلو ووجعاني أوي”.
وفي خضم الحديث عن الانتقادات التي يتعرض لها بشأن مخارج الحروف، اعترف محمد ممدوح بأنه يعي وجود مشكلة ولكنّه يحاول تحسين أدائه. حيث قال “لأ عندهم حق أنا عندي مشكلة، الحمد لله اتحسن الموضوع، واشتغلت مع الدكتورة جيهان الناصر، وبعد ربنا ليها فضل كبير في اللي حصل معايا، تعبت معايا جدا. أنا عارف أنه في مشكلة ومكنتش بتضايق.”
كما أضاف ممدوح “تمام في ناس بتقول بطريقة كويسة أو نقد بناء وفي اللي بيتريق، بس أنا مسئول طالما اخترت المهنة لازم اشتغل بقدر الإمكان، محدش ينزعج مني. في نقد بيضحكني جدا وعندهم حق، مثلا المكياج بتاع مسلسل ‘اختفاء’ وأنا كبير في السن. في مشاهد كان بايظ ومشاهد كويسة، واحد كتب ‘شكله زي الفرخة لما تطلع من الفريزر’، ودا حقيقي وشي كان مجمد ومكنتش بضايق”.