أثار الفنان السوري عبد الرحمن فواز، المعروف بلقب “الشامي”، قلق جماهيره بعد نشره صورة عبر خاصية القصص القصيرة، حيث عبّر فيها عن حبه العميق للبنان.
وكتب الشامي في تعليقه “بتحب لبنان؟ بموت فيه.. وينك هلق؟ عم موت فيه”. وتأتي هذه الكلمات في ظل الأزمات الراهنة التي تمر بها منطقة الشرق الأوسط، والتي عانى منها الشامي بشكل شخصي.
وفي تصريح مؤثر، أشار الشامي إلى الآلام التي عاشها، حيث كتب “أثناء تصدر بعض أغانيي عالمياً مبارح كنت بدمشق، وأثناء القصـ ـف على دمشق والبيت يلي عم يهز كنت عم فكر؛ اني نزحت للمرة الخامسة بحياتي، بمعدل نزوح كل ٤ سنين، بتصدقوا؟”.
وأضاف الشامي “بطّل عندي ايمان بالاستقرار والأمان بهالدنيا لما بتكونوا بهالظروف. ببطل يعنيلكم البيت الفخم بقد ما نحنا عم ندور على خيمة آمنة لنا وللي بحبونا، وبصير عنا أسئلة متل كيف فيها تكمل فرحة؟ كيف فينا نعيش بسلام؟ كيف فيني كفّي مهمتي واصنع أمل للناس؟”.
واستكمل الشامي في منشوره “بعمركن مارح تفهمو وجعنا. بهالظروف الحب أصعب والفن أعقد والأمل معدوم. نحنا ما منشبه حدا منكن، نحنا قصة نزوح ووجع وبتصدقو كمان مرة؟ أنا جاهز انزح ١٠ مرات بعد، بس رح ضل كافح بهالدنيا وأسعى لحقق نجاح وأرقام خيالية وقاعدة جماهيرية مهيبة، لأنو هي الطريقة الوحيدة لانتقم من كلشي أذاني”.